Шиелі ауданының Құрметті азаматы Әшім Оразбекұлы Шиелі кентіндегі №127 Ш.Уәлиханов атындағы мектеп-лицейінің базасында орналасқан №288 референдум учаскесіне келіп, алғашқылардың бірі болып өз таңдауын жасады. Ел тағдырына бейжай қарамайтын азамат ретінде Әшім Оразбекұлы жалпыхалықтық референдумға қатысып, азаматтық белсенділіктің үлгісін көрсетті. Әрбір азаматтың дауысы елдің болашағы үшін маңызды екенін атап өтті. Айта кету керек, бүгінгі референдумда аудан тұрғындары өздерінің азаматтық позицияларын білдіріп, ел дамуы үшін маңызды шешім қабылдауға атсалысуда.