Астана әуежайында рейстер кестесі өзгерді
Ауа райының қолайсыздығына байланысты Астана әуежайында кейбір рейстер кешігіп жатыр, деп хабарлайды Egemen.kz. Астана әуежайының баспасөз қызметінің мәліметінше, Алматы, Қостанай, Шымкент, Өскемен, Орал, Қызылорда, Бішкек және Омск бағыттарындағы 11 рейс кешігіп келеді. Олардың 2-еуі өндірістік себептерге, 3-еуі ұшақ алмастыруына байланысты, ал қалған рейстердің кешігуі ұшақтың кеш келуінен туындаған.Шымкент, Петропавл, Семей, Алматы және Омск бағыттарында 9 рейс кешігіп жатыр. Оның 2-еуі Астанадағы ауа райына, қалғандары ұшақтың кеш келуіне байланысты. Сондай-ақ, келу бойынша − 3 рейс, ұшу бойынша − 8 рейс ауа райының қолайсыздығына байланысты тоқтатылған.
