Халыққа қызмет – басты міндет

Кенттегі тұрғындарға қызмет көрсететін бірқатар маңызды мекеме жаңа қонысқа көшті. Атап айтқанда, Сайлау үйі, Мансап орталығы, Халыққа қызмет көрсету орталығы және Статистика басқармасы кент орталығындағы бос тұрған ғимараттарға орналастырылып, толық жөндеуден өтті.
Ғимараттар заман талабына сай жабдықталып, халыққа ыңғайлы әрі қолжетімді қызмет көрсетуге жағдай жасалды. Бұл – ауданның инфрақұрылымын тиімді пайдалану мен мемлекеттік қызметтің сапасын арттыру бағытында жасалған маңызды шешімдердің бірі.

Қызмет сапасын жетілдірумен қатар, орталықтандырылған басқару жүйесін нығайтып, тұрғындар үшін қолайлы орта қалыптастырады. Аудан әкімдігі алдағы уақытта да тұрғындарға көрсетілетін қызметтердің сапасын арттыруды басты назарда ұстамақ.