Еліміздің 6 қаласында ауа сапасы нашарлайды
«Қазгидромет» РМК синоптиктері 24 мамыр күнгі метеорологиялық жағдайлар Қазақстанның 6 қаласында атмосферада ластаушы заттардың шоғырлануына ықпал етеді деп хабарлайды.
Синоптиктердің мәліметтеріне қарағанда, жайсыз метеорологиялық жағдайлар Қарағанды, Балқаш, Теміртау, Орал, Ақсай, Шымкент қалаларында қалыптасуы мүмкін.
ҚМЖ – атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеорологиялық факторлардың (тымық, жеңіл жел, тұман, инверсия) үйлесімі. ҚМЖ жағдайында елді мекендердегі атмосфералық ауаның сапасы нашарлауы мүмкін.
Ақжарқын Қыдырханова.
