Осы қаулының негізінде Қазақстан Республикасының Орталық сайлау комиссиясы Наурызбай Сейтқалиұлы Байқадамовты Қазақстан Республикасы Парламенті Сенатының депутаты ретінде тіркеп, ҚР Парламент депутатының куәлігі мен төсбелгісін табыстады.

Айта кетейік, облыстық мәслихаттың кезектен тыс XIII сессия отырысында Наурызбай Сейтқалиұлына облыс әкімі Нұрлыбек Машбекұлы Нәлібаев құттықтау лебізін білдіріп, әріптестері жаңа қызметке шығарып салды.

Наурызбай Сейтқалиұлының ел мүддесі жолындағы жауапты қызметіне сәттілік тілейміз!