Скрининг – бұл аурудың белгілері әлі болмаған кезде ісікті ерте сатысында анықтау мақсатында жүргізілетін профилактикалық медициналық қарап-тексеруді және қосымша тексеру әдістерін қамтитын іс-шаралар кешені. Ерте сатысында анықталған ісік толық емделуі мүмкін.Кейінгі кезеңдерде аурудың белгілері болған кезде және ісіктің таралу мүмкіндігі болған кезде ауруды емдеу күрделене түседі. Сондықтан ісікті ерте сатыларда, оның таралуына дейін анықтау және емдеу қатерлі ісіктерден болатын өлім-жітімді төмендетудің ең тиімді жолы болып табылады.Көбінесе ісік әрдайым ерте кезеңдерде анықталмайды, өйткені аурудың ерте ағымы симптомсыз болады, науқас өзінің әл-ауқатында өзгерістерді сезбейді және тексеру үшін дәрігерлерге бармайды.Скринингтен өту қатерлі ісікке күдік бар дегенді білдірмейді.Қазақстанда нақты аурулар бойынша және белгілі бір жас топтары үшін скринингтік бағдарламалар бар, олар халық үшін тегін.Скрининг түрлері:Сүт безі қатерлі ісігі - 40 жастан 70 жасқа дейінгі әйелдер.Жатыр мойны обыры - 30 жастан 70 жасқа дейінгі әйелдер.Колоректальды скрининг - 50 жастан 70 жасқа дейінгі ерлер мен әйелдер.Скринингтен тіркелу орны бойынша емханадан тегін өтуге болады.Алдын алу, ерте диагноз қою, скрининг және емдеу қатерлі ісікпен сәтті күресудің негізгі компоненттері екенін түсіну керек. Қатерлі ісікті ерте анықтау өмірді құтқарады, емдеу шығындарын азайтады және пациенттердің өмір сүру сапасын сақтауға мүмкіндік береді.
кант диабеті 30-70жас
Суқараңғылық 30-70жас
Жүрек қан-тамыр аурулары 30-70жас

Тыныс алу жүйесі (ФГ) түсу 50-70жасҚуық асты безі 55-70жас аралығындағы тұрғындарды профилактикалық медициналық қарап-тексеруді жүргіземіз, ауыл тұрғындарына барынша жайлылық жасап, барлық тексерілістерден өту керектігін түсіндіріп өткіземіз.0-17жас балалар арасында да профилактикалық медициналық қарап-тексеруді жүргіземіз.
Төленова Әсел Қайратқызы
Қарғалы дәрігерлік амбулаториясының жалпы тәжірибелік мейіргер