Ағымдағы жылдың маусымның 07 жұлдызында Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) (әрі қарай - Агенттік) Қызылорда облысы бойынша департаменті Превенция басқармасының бас маманы Ж.Ж.Қозбағаровамен облыстық Қоғамдық даму басқармасының заңгері А.Е.Айбергенова және «Әділдік жолы» РҚБ-ның Қызылорда облысы бойынша филиал басшысы Б.Л.Шайзадақызының қатысуымен тұрмыстық сыбайлас жемқорлықтың алдын алу мен оған қарсы мәдениетті қалыптастыру мақсатында Қызылжарма ауылдық округінің тұрғындарымен кездесу өткізілді.

Кездесу барысында ауылдық округ тұрғындарына Мемлекет басшысы Қасым-Жомарт Кемелұлы Тоқаевтың ағымдағы жылдың 2-ші ақпанындағы жарлығымен Қазақстан Республикасының 2022-2026 жылдарға арналған сыбайлас жемқорлыққа қарсы саясатының тұжырымдамасының негізгі түйінділері мен ұғымдары түсіндірілді.

Сондай-ақ, Агенттікпен Мемлекет басшысына сыбайлас жемқорлыққа қарсы күрес жөніндегі ұлттық баяндама ұсынылғаны атап өтілді.

Бұл құжаттың негізгі мақсаты – 2021 жылы Қазақстанның сыбайлас жемқорлыққа қарсы саясатының іске асырылу нәтижелері туралы халықты ақпараттандыратын құжат екені жеткізілді.