Жерлесіміз Шиелі ауданының «Құрметті» азаматы Сарсенбек Бекмұратұлы елімізде болып жатқан Референдумға байланысты өз пікірін білдірді; Қазақстанда жаңа Заң қабылдаудың жаңаша рәсімі енгізілді. Бұрын заңға енгізіліп жатқан өзгерістерге қатысты біздің пікірімізді ешкім сұрамайтын еді. Енді ашық түрде өз таңдауымызды жасап, қалауымызды білдіргелі отырмыз. Бұл да болса Жаңа Қазақстанның алғы шарттары, алғашқы нық қадамы дер едім. Мен қарапайым тұрғынмын. Еңбек адамымын. Қазақстанның әрбір азаматының құқығы қорғалып, Заңмен қорғалатын болады, деген жақсы хабарды естіп, сол үшін дауыс бергелі отырмын. Мен үшін ең қымбаты әділдік. Қоғамда әділеттілік орнаса екен деп, дауыс бермекшімін.