Гарвард қоғамдық денсаулық сақтау мектебінің қызметкерлері зерттеу барысында өмір жасын ұзартып, аурудан сақтайтын бес әдетті анықтады, деп хабарлайды Stan.kz ақпарат агенттігі Gazeta басылымына сілтеме жасап. 

Ғалымдар 45 жастан асқан 73 мың әйел мен 38 мың еркектің сараптамаларын талдаған. Осылайша олар өмір жасын ұзартуға әсер ететін бірнеше факторды анықтады: дұрыс тамақтану, физикалық жаттығулар, алкогольдік ішімдік пен шылымнан бас тарту, артық салмақтан алшақ болу.
Сонымен қатар ғалымдар дұрыс ұйқының да ұзақ өмір сүруге септігін тигізетінін айтады. Зерттеуде анықталғандай, ұйқының қанбауы жүректің ишемиялық ауруларына, диабетке және май басуға шалдықтыруы мүмкін. Орта есеппен дұрыс ұйқы уақыты 8 сағатқа тең болуы керек, алайда бұл әр адамда әр түрлі болады. 
Физикалық жаттығуларды күн сайын кемінде 30 минут жасау керек. Ал дене салмағы индексін 18,5 пен 24,9 аралығында ұстаған жөн. Алкогольді ішімдік тұтынуға шектеу қою керек. Күнделікті әйел адам 1 бокал шарап немесе сыра, ер адам екі бокал ішкен дұрыс. 
Зерттеу қорытындысы бойынша, бұл әдеттерді ұстанған әйел адамдар 10 жылға, ал ер адамдар 8 жылға ұзақ өмір сүрген.


​https://stan.kz​​​