Ағымдағы жылдың 26-30 наурыз аралығында Сырдария өзенінен сең жүріп, аудан аумағындағы кейбір елді мекендер мен малшы ауылдарына қауіп төндіргені белгілі.
Сең жүру кезінде Байқожа станциясы аумағын, Ақсуат ауылын, Басықара, Қарашеңгел, Көларық ауылдық округтеріндегі учаскелерді және Қазалы қаласын су басу қаупі туындады. Осы сәтте арнайы техникалар мен 300-ге жуық адам жұмылдырылып, мұз жару жұмыстары жүргізілді.
Төтенше жағдай кезінде барлық қызметтер тәулік бойы бірлесе және жедел әрекет етті. Осының арқасында зардап шеккендер болған жоқ. Міне, ел үшін осындай қиын шақта жұмыла еңбек етіп, қолдау көрсеткен барша азаматтарға, кәсіпкерлерге, аудан тұрғындарына зор алғысымды білдіремін.
Қазалы ауданының әкімі
МҰРАТ ЕРГЕШБАЕВ