Қызылорда облысында 100 мыңыншы тұрғын коронавирусқа қарсы вакцина салдырды, деп хабарлайды ҚазАқпарат тілшісі. Бұл оңды оқиға облыс орталығындағы №3 қалалық емханада тікелді. Қала тұрғыны Гүлнар Құлжанова облыс бойынша вакцина салдырған 100 мыңыншы адам ретінде есепке алынды. Емхана ұжымы осыған орай оған сый-құрмет көрсетті. Ол отандық «QazVac» вакцинасын салдыруға таңдау білдірді. «Мен бүгін коронавирусқа қарсы вакцина салдырдым. Денсаулығымда ешқандай қобалжу болған жоқ. Қатерлі індеттің тоқтатудың жалғыз амалы – вакцина салдыру. Сондықтан барша жерлестерімді екпе егуде белсенділік танытуға шақырамын», - деді Гүлнар Құлжанова. Өңірде бүгінде 800 мыңнан астам адам тұрады. Дәрігерлердің айтуынша, олардың 370 мыңнан астамы екпе қабылдауы тиіс. Ал №3 емханаға бүгінге дейін коронавирусқа қарсы 9649 доза вакцина келді. Оның 8583-і бірінші компонентте салынды. Ол 88,9 пайызын құрайды. Ал емханаға вакцинаның екінші компоненті бойынша 7945 доза әкелініп, 74,7 пайызы тұрғындарға салынды. Еске салсақ, Қызылордада коронавирус вакцинасын салдырғандар қатарында ауыл тұрғындары көп.
​https://www.inform.kz​​​