Алаяқтар Димаш Құдайбергеннің атынан қазақстандықтарды алдап жүр
Бәрі шынайы көрінуі үшін алаяқтар әншінің бұрынғы видеоларын тікелей эфир арқылы қосқан.
"Мен бүгін баршаңызға бата беремін. Пікір жазған алғашқы мың адам 10 мың доллар алады. Мұның шын екеніне сеніңіз. Бұл сыйлық бұрын-соңды біздің сыйлықты жеңіп алмаған адамдарға арналған", - делінген жазбада.
Димаш Құдайбергеннің кей оқырманы сеніп, мыңдаған пікір қалдырған. Жазбаға үш мыңнан аса адам пікір қалдырған.
Айта кетейік, пікірлердің арасында ұйымдастырушылар қатысушыларды фишинг сайттарына кіруге шақыратын хабарламаны бекітіп қойған.
"Пікір қалдырғандар мен менің жазбамды бөліскендер: бірінші мына жерге өз атыңызы тіркеңіз (фишинг сайт сілтемесі), екінші - 30 минут күтіңіз, сосын біз сізге сыйлық жібереміз", - дейді "ұйымдастырушылар".Әншінің әкесі Қанат Айтбаев Tengrinews.kz тілшісіне ұтыс ойына қатысты пікір білдірді.
"Біз мұны бірнеше рет жоққа шығарғанбыз. Димаш ешқандай ұтыс өткізіп жатқан жоқ, өткізбейді де. Қазақстандықтардан мұндай жазбаларға сенбеуді сұраймыз", - деді Айтбаев.
