Аудандық мәслихат депутаттығына кандидаттар сайлаушылардың үйлерінде болды!

Бүгін, "Nur Otan” партиясы атынан аудандық мәслихатқа тіркелген үміткерлер Бердібаев Асқар Айтөреұлы мен Әлтаев Ғалымжан Халықбекұлы Жөлек, Иіркөл ауылдық округіндегі сайлаушылардың үйінде болды.

Сайлаушылардың үйінде болған кандидаттар партия филиалының сайлауалды бағдарламасының негізгі басымдықтарының бірі 2025 жылға қарай мемлекеттік органдармен бірлесіп жұмыспен қамтуды қамтамасыз ету, шағын және орта кәсіпкерлікке тарту, жастарды ауылдық жерлерде тұрақтандыру, жастардың шығармашылық тұрғыдан өзін-өзі дамуына және әлеуетін арттыруға жағдай жасайтындығын кеңінен таныстырды.

Сонымен қатар кандидаттар сайлаушыларға үгіт-насихат материалдарын таратып, алдағы 10 қаңтарда өтетін сайлауға қатысып, дауыс беруге шақырды.