Өскен өңір Шиелi аудандық қоғамдық-саяси газет
» » Тіл – мемлекеттің тұғырлы тірегі

Тіл – мемлекеттің тұғырлы тірегі

Туған тілдің абыройын асқақтату - әрбір адамзаттың абзал борышы. Тәуелсіз елдің елдігі жас ұрпағын парасатты да білімді, іскер де қабілетті, отансүйгіш те ұлтжанды тұлға етіп қалыптастыруда мемлекеттік тілдің атқаратын қызметі орасан зор. Біздің ұлттық құндылығымыз бен болмысымыз, салт-санамыз бен дініміз, діліміз осы ұлттық мәдениет пен тілімізде жатыр. «Тілі жоғалған ұлттың өзі де жоғалады» деп даналарымыз бекер айтпаса керек-ті. Қазақ қазақ болып қалыптасқалы бері басынан небір қиын-қыстау кезеңдер мен нәубет жылдарды өткерді. «Мың өліп, мың тірілген» қазақтың ана тілі атадан балаға ана сүті арқылы дарып келе жатқан халықтың баяғысын да, бүгінгісін де, болашағын да танытатын, сол халықтың мәңгілік мұрасы, тарихы, мәселесі.
Тілдің арқасында ғана ата-бабамыздың өсиеттері, ырым-тиымдары, салт-дәстүрі бүгінге дейін сақталды. Дәл осы әдебиет – асыл қазына тұсынан келгенде, қазақтан асқан шешен де шебер ұлт жоқ. Қазақтың бірауыз мақал-мәтелінің, қысқа да нұсқа қанатты сөзінің өзі Батыс ойшылдарының бірнеше том туындыларында айтылған ой-пікірлерінен асып түспесе кем түспейді. Қазақ мақалдарының көңілге қонымдылығы, ұмытылмай есте сақталатындығы, дәлме дәл, ұтқыр болып келетіндігі біздің тіліміздің қаншалықты шұрайлы екендігін дәлелдейді. Міне, осындай бай, таза, шұрайлы тілдің ертеңі келешегі жарқын болуы бүгінгі ұрпақ – бізге тікелей байланысты.
Қазақ тілімізді түзеп, жөн-жосығын өз мәртебесін иелендіруіміз үшін алдымен, бұқаралық психологияны жөнге келтіруіміз керек. Ресей отаршылары жаулап алған кезден бастап біз ұлттық ойлау ерекшелігімізден ­айырыла бастадық. Хандық дәуірде, тіпті одан да бұрын қазақ қоғамында дала демократиясы болды. Түрмесіз, сотсыз, полицейсіз мамыражай бейбіт қоғам құра білдік.
Қазақтың тентегі мен сотқарының өзі би-шешендер айтқан бірауыз сөзге тоқтайтын ақылды еді. Сөз қадірін қазақтай білген халық әлемде санаулы шығар,сірә!
Еліміз тәуелсіздік алғалы бері төл тіліміз мемлекеттік мәртебеге ие болып, қолданыс өрісі кеңейді. Түрлі кезеңнен өткен атадан балаға мирас болып қалған ана тілімізді сақтау, кейінгі ұрпаққа аманаттау әр қазақстандықтың борышы деп білемін.

Н.Үсенбеков,
Шиелі ауданының Полиция бөлімінің Кадр саясаты тобының инспекторы,
полиция капитаны
16 қыркүйек 2020 ж. 62 0

Соңғы жаңалықтар

PDF нұсқалар мұрағаты

№74 (8827)

26 қыркүйек 2020 ж.

№73 (8826)

22 қыркүйек 2020 ж.

№72 (8825)

19 қыркүйек 2020 ж.

Жаңалықтар мұрағаты

«    Қыркүйек 2020    »
ДсСсСрБсЖмСбЖс
 123456
78910111213
14151617181920
21222324252627
282930 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам