Кентте күн санап автокөліктің саны артып келеді. Оған осы шойын жолдан пойыз өткен кезде анық көз жеткізуге болады. бас-аяғы 5-6 минутта жолдың бір жақ бетінің өзінде шамамен 40-50-дей автокөлік кептелісте тұратын болар. Олардың арасында асығыс келе жатқаны бар, жұмысқа кешіктім деп дегбірсізденгені бар, әйтеуір, қашан қарасаң да жүргізушілер бір-бірімен орынға таласып, ентелеп жатқаны. Осындайда Шамалғанның шойын жолындағы апат қайталанып қалмаса болар еді деп, маза қашады. Әлде, жұмысты жеделдету үшін сондай бір қайғылы оқиғаның орын алуын күтіп жүрміз бе? Көпірдің жоба сметалық жұмыстары дайын екенінен хабардармыз, ал құрылысы қашан басталады? Осы жайлы газеттің алдағы нөмірінде тарқататын боламыз.