Өскен өңір Шиелi аудандық қоғамдық-саяси газет
» » Тәуекелге барудың оңай жолы

Тәуекелге барудың оңай жолы

Жыл сайын 10 наурызда ерекше мереке – Тәуекел күні аталып өтеді. Ел аузында "нар тәуекел – ер ісі", "уайым түбі − тұңғиық, батасың да кетесің, тәуекел түбі − жел қайық, мінесің де өтесің" деген секілді ұлағатты сөздер сақталған. Бұл өмірде әрбіріміз тәуекелге бел буамыз. Әдетте, көп жағдайда тәуекел еткендердің жолы болып жатады. Кей кезде жүрексініп, қорқып тұрсаң да, тәуекел ете білген дұрыс. Кейде ол біреудің өмірін құтқаруы мүмкін, ал біреулер үшін – адреналиннің кезекті порциясы. Нар тәуекелге қалай бару керек? Оның оңай жолы бар ма? Бар екен. Зер салыңыз. Сізде өміріңізді өзгерте алатын екі түрлі таңдау бар делік.
Сіз бір сәттік дилеммаға тап болдыңыз. Енді сол екеуін де қағазға жазып, ой елегінен өткізіп көріңіз. Алдымен бір бет қағаз алып, жарты жылдан кейінгі өміріңізді көз алдыңызға келтіріп, жаңағы бірінші таңдауды бүге-шүгесіне дейін қағазға жазыңыз. Одан кейін қазіргі жағдайды ойлап, бұл шешімнің артықшылығы мен кемшілігін жіпке тізіңіз. Жаныңызда кім болады, өзіңіз кім боласыз, немен айналысасыз, қайда және қалай өмір сүресіз, қандай жетістіктеріңіз болуы мүмкін – осының барлығын жақсылап ойланыңыз. Болашақтан қазіргі шақтағы өзіңізге хат жазып отырғаныңызды ұмытпаңыз. Көзіңізге келешек өміріңіз келген кезде, эмоционалдық бөліміне өтіңіз.
Өміріңіз қалай өтіп жатқанын, ішкі сезіміңізді толық баяндаңыз. Барынша толықтай жеткізіңіз. Өзіңіз қабылдаған шешімге көңіліңіз тола ма әлде бірдеңе жетіспейтіндей көріне ме? Хат соңында осы шешімді қабылдағаныңыз үшін өзіңізге алғыс айтыңыз. Өміріңізді қаншалықты дұрыс арнаға бұрғанын жазыңыз. Аяқтаған соң қағазды бүктеп, көзге түспейтін жерге сақтап қойыңыз. Енді екінші қағазды қолға алыңыз. Тағы да дәл осылай хат жазыңыз, бірақ мұнда екінші нұсқаны таңдаңыз. Алдыңғы хаттағыдай үтір-нүктесіне дейін қалдырмай, толық жазып шығыңыз. Мұнда да жасалған таңдау үшін өзіңізге рақмет айтып, қағазды бүктеп, назардан тыс жерге қойыңыз. Араға бірнеше күн салып екі хатты қолға алыңыз да, мұқият оқып шығыңыз. Екі хаттан не сезіндіңіз? Әлі де жолайрықта тұрсыз ба? Олай болуы мүмкін емес. Енді бір шешімге келген боларсыз. Бұл тәсіл сөзсіз көмектеседі. Тек ерінбей жазыңыз.

11 қыркүйек 2019 ж. 45 0

PDF нұсқалар мұрағаты

№73 (8724)

20 қыркүйек 2019 ж.

№72 (8723)

17 қыркүйек 2019 ж.

№71 (8722)

14 қыркүйек 2019 ж.

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам