Билік пен бұқараның арасында ашық диалог орнамақ

Азаматтар барлық салада әділдік орнағанын қалайды, - деген Мемлекет басшысы Қасым-Жомарт Тоқаев келешекте жүзеге асуы тиіс 10 басым міндетті белгіледі. Олардың қатарында сыбайлас жемқорлықты түбегейлі жойып, сот және құқық қорғау саласын реформалау, азаматтардың әл-ауқатын арттыру мәселелері бар. Бұл ретте әкімдерге билік пен бұқараның арасында ашық диалог орнатып, тұрғындардың талап-тілегіне құлақ асу тапсырылды. Сағи Алдабергенов, еңбек ардагері: – Қасым-Жомарт Кемелұлының халықпен кездесу үшін қоғамдық кеңес құрамыз деген сөзіне қуаныштымын. Халықтың даусын есту керек деп ойлаймын. Мәлік Құлшар, облыстық мәслихат депутаты: – Ең бастысы – әрбір қазақстандықтың өмір сүру деңгейін арттыру керек. Яғни жұмысы, баспанасы болуы, оның бала-шағасының оқуына, емделуіне мүмкіндігі болуы, мемлекеттің алдындағы басты мақсат деп айтылды. Біз соны жүзеге асыруға жұмыстанатын боламыз.

 https://24.kz/kz/zha-aly-tar/o-am/item/322497-bilik-pen-b-arany-arasynda-ashy-dialog-ornama