Күні кеше Мадина Батық "Мисс Қазақстан - 2019" атанып, көптен бері аңсаған тәжіне ие болды. Сұлулық байқауында Павлодар қаласының намысын қорғап, 32 сылқымның арасынан суырылып шыққан ару туралы тың мәлеметтерді назарларыңызға KAZ.NUR.KZ порталы ұсынады.
"Мисс Қазақстан-2019".

Мадина Батық 1999 жылы сегізінші маусымда дүниеге келген. 20 жастағы бойжеткен Павлодар қаласындағы Бауыржан Момышұлы атындағы №22 мектепті тәмамдады.
Бүгінде ол Торайғыров атындағы ПМУ білім ордасының екінші курс студенті. Мадина "туризм" мамандығы бойынша білім алуда.
Бос уақытында жеңіл атлетика, теннис және фитнес сияқты спорт түрлерімен шұғылданады.
Өзінің асқақ арманы ретінде ару әлемнің барлық мемлекеттерінде болып көруді есептейді. Оған қоса, бойжеткен табысты әрі іскер әйел болып, үлгітұтар жар мен ана атануды көздеп отыр.
Сұлулық байқауына қатысудың басты мақсаты аталған армандарының бірін орындау мақсатында.
Мадина Батық бәрінен де Италия елінде болып көргісі келетінін айтты.