Өскен өңір Шиелi аудандық қоғамдық-саяси газет
» » Қызылордалық полицейлер жазғы киім үлгісіне көшті

Қызылордалық полицейлер жазғы киім үлгісіне көшті


Қызылорда облысы Полиция департаментінің бастығы Қайрат Мұхитовтың, департамент және қалалық полиция басқармасы  жеке құрамының қатысуымен жазғы киім үлгісіне ауысу рәсіміне арналған саптық байқау өтті.
Жергілікті полиция қызметі ғимаратының алдында жеке құрам, яғни тергеушілер, анықтаушылар, жедел уәкілдер, учаскелік және ювеналды полиция инспекторлары, аналитиктер мен жол-патрульдік полиция қызметкерлері сап түзеп, саптық байқауға тұрғызылды. Саптық байқауды Кадр саясаты басқармасының бастығы полиция подполковнигі Асылхан Абдреев басқарды.
Саптық байқау барысында қызметкерлердің сыртқы түр-сипаты, үлгілік киімі, қызметтік куәліктерінің, айырым белгілерінің талаптарға сай болуы тексерілді. Сондай-ақ, полиция қызметкерлерінің ұқыптылығы мен жинақылығы, шаш үлгісі, киімінің мұнтаздай тазалығы басты назарға алынды.
Одан әрі саптық байқау жас қызметкерлердің ант қабылдау рәсіміне ұласты. Полиция қатарына жаңа қосылған 10 жас маман қызметті адал және абыроймен атқаруға, Қазақстан Республикасы азаматтарының құқығы мен бостандықтарын қорғауға салтанатты түрде ант берді. Қызылорда облысы Полиция департаментінің бастығы Қ.Мұхитов полиция қызметкерлерінің қатарын толықтырған әскери қызметкерлерді ант қабылдауларымен құттықтап, оларға әскери қызметте сәттілік тіледі. Әскери өмірге аяқ басқан жас буынды айтулы күндерімен ішкі істер органы ардагерлерінің атынан Ардагерлер кеңесінің төрағасы Серікбол Тұңғышбай да құттықтап, азаматтық борыштарын абыроймен атқаруларына тілектестік білдіріп, ыстық ықыласын жеткізді.
Жазғы киімге ауысу рәсіміне арналған жиын қызметкерлердің шеруімен аяқталды.
Қызылорда облысы Полиция департаментінің баспасөз қызме
06 сәуір 2019 ж. 202 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам