Ақмола облысының Ақкөл қаласында дәнді-дақылдарды қаптайтын жаңа цех іске қосылды, деп хабарлайды «Хабар 24». Өндіріс ошағын жабдықтауға жергілікті кәсіпкер 175 млн теңге жұмсаған. Қазір мұнда 8 түрлі дақыл ұсақ қалташаларға қапталып жатыр. Цех жұмысы автоматтандырылған. Сондықтан бір ауысымда екі-ақ адам жұмыс істейді. Жалпы, мұнда 6 адам еңбекпен қамтылған. Ал шикізат аймақтың шаруаларынан сатып алынады. Әзірге өнім тек аудан көлемінде сатылып жатқанымен, келешекте өзге облыстарға және Астана қаласына дейін жеткізіледі. Виктория Кацук, цех операторы: - Біздің цех шағын болғанымен, айына 60 тонна өнім шығара алады. Әзірге тек дәнді-дақылдар саудаласақ, алдағы уақытта шай түйіршіктерін қалташаларға салып, сату жоспарда бар. Осылайша өндірісті біртіндеп дамыта береміз.

www.24.kz