Түрікменстан президенті Гурбангулы Бердымұхамедов БҰҰ Бас ассамблеясының 73-ші сессиясында Каспийде экономикалық жобаларды жүзеге асыруға шақырды, деп хабарлайды Baq.kz ақпарат агенттігі.

ТДХ мемлекеттік ақпарат агенттігінің мәліметінше, Гурбангулы Бердымұхамедов биыл 12-ші тамызда Каспий маңы мемлекет басшылары қол қойған Каспий теңізінің құқықтық мәртебесі туралы конвенция аталған аймақтың халықаралық маңызды, стратегиялық көлік-транзиттік және энергетикалық орталыққа айналу мүмкіндігін ашады дейді.

"Түрікменстан барлық мүдделі тараптармен осы салалардағы жобаларды жүзеге асыру мəселелерін талқылауға дайын. Каспийде жаңа жобаларды жүзеге асыру - болашаққа салынған инвестиция", - деді Гурбангулы Бердымұхамедов Нью-Йорктегі БҰҰ Бас ассамблеясының 73-ші сессиясында.

Baq.kz сайты