Өскен өңір Osken-onir.kz ақпараттық агенттігі
» » Қазір ерінбегеннің бәрі дінмен алысатын болды – Бекжан Тұрыс

Қазір ерінбегеннің бәрі дінмен алысатын болды – Бекжан Тұрыс



Қазақстанның еңбек сіңірген қайраткеріактер Бекжан Тұрыс «Abay Live» YouTube арнасына берген сұхбатында  қазақ халқының дінге деген қарым-қатынасы жайлы айтты, деп хабарлады turkystan.kz.

Актер қазір бізде дінді әлі жалаң сенім ретінде қабылдайтындар көп екеніне тоқталды. Сонымен қатар фанаттық деңгейде діннің соңынан кетіп бара жатқан жастар бар екенін айтты.

«Қазір ерінбегеннің бәрі дінмен алысатын болды. Кешегі біздің аталарымыз «Құрметтің үлкені – дінге деген құрмет» дейді, бірақ таза ақылдың бағытымен табылмаған дін шынайы емес. Бізде дінді әлі жалаң сенім ретінде қабылдайтындар көп. Өзіңіз айтқандай, жаңағы имамдардың уағызын естиді, өздері Құранды толығымен оқып бітірмеген, бірақ кейде саған ақыл айтқысы келіп тұрады, сені дұрыс жолға салғысы келіп тұрады. Менің ылғи айтып жүрген бір сөзім бар: сақтан қалған салтым, ғұннан қалған ғұрпым, түркіден қалған жұртым бар. Қазақтың діні мен ділі, діңгегі, ілімі ілкі жұрттан да ілгері болады. Бүгінгідей дәрежеге емес, даланың даналық  заңына бағынып жүрміз. Күн, Айы етегінде, Құдайы жүрегінде құрмет тұтқан халық болатынбыз.

Қазір шынымен де, осы дін төңірегінде әртүрлі әңгімелер айтылады. Оны көріп жүрміз. Кейде айтылып жатқан сөздің төңірегіндегі әңгімелердің өзі анау жаһилдық дәуірге, Пайғамбар заманына кетіп қалады. Мен неге қазіргімен ұштастырмаймыз деп айтамын.

Әлеуметтік тұрмыс-салтымыз, бітім-болмысымыз исламмен біте қайнасқан болатын. Енді қазір дін ұстай алсаң қасиетің, ұстай алмасаң қасіретің дейді. Бірақ сол қасиетті біз қазір қаруға айналдырып алған сияқтымыз. Дін – біздің тарихымыздың, мәдениетіміздің және әдебиетіміздің бір бөлігі. Фанаттық деңгейде діннің соңынан кетіп бара жатқан жастар бар. Бірақ өзінің дәстүрін де, әдеп-ғұрпын да жоғалтпаған ұрпақ та көп», – деді актер.
18 тамыз 2023 ж. 3 500 0

PDF нұсқалар мұрағаты

№15 (9179)

20 ақпан 2024 ж.

№14 (9178)

17 ақпан 2024 ж.

№13 (9177)

13 ақпан 2024 ж.

Жаңалықтар мұрағаты

«    Ақпан 2024    »
ДсСсСрБсЖмСбЖс
 1234
567891011
12131415161718
19202122232425
26272829