Kyzylorda-news.kz. 2019 жылғы мамырда күнкөрістің ең төменгі деңгейінің шамасы 25902 теңгені құрады, деп хабарлайды облыстық статистика департаментінің баспасөз қызметі.
 Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2019 жылғы мамырда өткен аймен салыстырғанда 0,6%-ға  жоғарылады. Оның құрылымында ет және ет өнімдерін сатып алуға жұмсалған шығыстардың үлесі 18,6%, сүт өнімдері мен жұмыртқаға – 10,7%, жемістер мен көкөністерге – 9,5%, нан және жарма өнімдеріне – 7,6%, май және тоң май өнімдеріне – 4,1%, қант, шай және дәмдеуіштерге – 2,5%, балыққа – 2%-ды құрады.