Әлемдегі ең бай адамдар анықталды. Үштікке енгендердің ішінде IT саласының өкілдері бар, деп хабарлайды Baq.kz ақпарат агенттігі.
Bloomberg агенттігі құрастырған миллиардерлер рейтингісінің жаңартылған тізімінде бірінші және екінші орында бұрынғыдай Amazon интернет компаниясының басшысы Джеффри Безос пен Microsoft корпорациясының негізін қалаушы Билл Гейтс тұр.
Facebook әлеуметтік желісінің негізін қалаған Марк Цукерберг 81,6 миллиарда доллар байлығымен үшінші орынға көтерілді. Ол бұрын үшінші орында тұрған америкалық инвестор Уоррен Баффетті ығыстырды. Уоррен Цукербергтен 400 млн долларға қалып қойды.