Үндістанның солтүстігінде пойызда отырған 4 жолаушы аптап ыстықтан мерт болды. Мамандардың айтуынша, олардың үшеуі көлікте, ал біреуі ауруханаға барар жолда жан тапсырды. Белгілі болғандай, жолға шыққандардың көбі Агра қаласынан Тадж-Махалға шыққан діндарлар. Айта кетейік, қазір елде ауа температурасы 45 градусқа дейін көтерілді. Синоптиктердің болжамы да көңіл көншітпейді. Осыған орай жергілікті билік тұрғындарға алыс сапарға шықпауға кеңес береді.

Источник: https://24.kz/kz/zha-aly-tar/lemde/item/321416-ndistanda-aptap-ysty-tan-4-adam-mert-boldy