Америкалық дәрігерлер 50 жастағы тұрғынның басынан екі үлкен құртты алып шыққан. Бұл туралы iz.ru-ге сілтеме жасаған KAZ.NUR.KZ хабарлайды.


Әйел адам дәрігерлерге бас терісінің асты жыбырлайтынын, сол жақ құлағының ауырып, лимфа түйіндерінің қабынғанын айтып, шағымданған.
Олар өз кезегінде мұны инфекциялық ауруға балап, антибиотиктер жазып беріпті.

Алайда белгілер қайталана берген соң, ол ауруханаға қайта барды. Оның сөзінше, ауру тіптен асқынып, сол жақ құлағынан сұйықтық аққан.

Анықталғандай, әйел адам жақын күндері Аргентинада болған. Сол жерде масаға таланыпты.
Дәрігерлердің айтуынша, дәл сол масалар тері астына ұрығын салыпты. Мамандар әйел адамның басынан 1,5 сантимерді құрған екі құртты алып шыққан.