Настя бала күнінде өзінің сырт келбеті үшін көп опық жеген. Құрдастарынан ерекшеленбеу үшін Жидкова шашы мен қасын, кірпігін бояу бастаған.
Алайда бұл шешім Настяға одан бетер қиындықтар әкелді.


Ол кезде мәскеулік ару өзі кемшілік деп есептеген келбетінің Жаратқанның сыйы екенін түсінбеген. Көп ұзамай ол басындағы комплекстерден арылды.
Бүгінде оны әлемнің көптеген мемлекеті таниды. Сәнқой бойжеткеннің суреті Азия мен Еуропа, АҚШ журналдарында кең таралған.


Бойжеткеннің сұлулығына әсіресе Жапон халқы тәнті болған. Сәнқой ару бала күнінен осы мемлекеттің мәдениеті мен тарихына қызыққан.


Танымал сәнқой 100 мыңнан астам оқырманы бар instagram парақшасын жүргізеді.
Жидкова журналистердің сұрақтарына қуана-қуана жауап береді. Бойжеткенге альбинизм мен оның адам өміріне әсері жайлы көп сұрақтар қойылады.


Сәнқой ару ультракүлгін сәулелерден қорғану үшін линза тағып, күннен үнемі қорғанып жүруге міндетті екенін жасырмаған.
Настяны адамдардың альбиностарға деген бүгінгі көзқарасы қуантады. Олар халықтан жырақтамай, керісінше, өздерін сәнқой кәсіп секілді спецификалық салада көрсете алады.kaz.nur.kz