8 ақпан мен 13 сәуір аралығында Өскемен, Алматы, Риддер, Щучье қалаларында және Алматы облысында VI қысқы Спартакиада өтеді, деп хабарлайды Egemen.kz Спорт және дене шынықтыру істері комитетінің баспасөз қызметіне сілтеме жасап.  Төрт жылда бір рет өтетін VI қысқы Спартакиада 8 ақпанда Өскеменде шайбалы хоккейден ерлер турнирімен басталады.

Жарыстың басты мақсаты – Олимпиада ойындарына дейін ұлттық құрамаға спортшыларды іріктеу. Оған 17 облыс пен 3 қаладан командалар қатысады.

Спартакиада аясында үш ай бойы ерлер мен әйелдер арасында шайбалы хоккей, шаңғы қоссайысы, шаңғымен тұғырдан секіру, фристайл-акробатика, фристайл-могул, сноуборд, тау шаңғысы, керлинг, шаңғы жарысы, шорт-трек, биатлон, конькимен сырғанау және мәнерлеп сырғанау бойынша жарыстар өтеді.

Шайбалы хоккей (ерлер) – 8-15 ақпан (Өскемен)

Шаңғы қоссайысы – 17-23 ақпан (Алматы)

Шаңғымен секіру – 17-23 ақпан (Алматы)

Фристайл (акробатика) – 2-6 наурыз (Алматы)

Сноуборд – 10-14 наурыз (Шығыс Қазақстан облысы Риддер қ.)

Тау шаңғысы – 10-18 наурыз (Шығыс Қазақстан облысы, Риддер қ.)

Керлинг (ерлер, әйелдер, аралас жұптар, аралас команда) – 14 наурыз – 13 сәуір (Алматы облысы)

Шаңғы жарысы – 17-25 наурыз (Ақмола облысы Щучинск қ.)

Шорт-трек – 20-24 наурыз (Астана)

Биатлон – 24 наурыз – 4 сәуір (Щучинск)

Коньки тебу – 25-28 наурыз (Астана)

Фристайл (могул) – 26-30 наурыз (Шымбұлақ тау шаңғысы курорты)

Шайбалы хоккей (әйелдер) – 26 наурыз – 1 сәуір (Өскемен)

Мәнерлеп сырғанау – 7-12 сәуір (Өскемен).

Осыған дейін хоккейден Қазақстан құрамасы Азия ойындарында Тайланд құрамасын жеңгенін жазған едік.