«Таза Қазақстан»: Арал теңізінің түбіне ағаш отырғызылады
2025 жылы Қазақстан Арал теңізінің құрғаған ұлтанында экожүйені қалпына келтіру бойынша ауқымды жобаны жалғастырады, деп хабарлайды Egemen.kz. Экология және табиғи ресурстар министрлігіінің баспасөз қызметінің мәлім етуінше жобада КАТКО, француз мемлекеттік компаниясы «Orano Mining SA» мен «Қазатомөнеркәсіп» ҰАК» акционерлік қоғамының бірлескен кәсіпорны және басқа да ұлттық және жеке компаниялар орман отырғызу жұмыстарын ұйымдастыру бойынша белсенді қатысып отыр. Жобаның негізгі мақсаты – жерлердің одан әрі деградациясының алдын алу, экологиялық жағдайды жақсарту.Бүгінгі күнге нәтижелер:
- 522 тонна тұқым жинақталды.
- 2024 жылғы 16-30 желтоқсан аралығында 12 000 гектарға егін егу жұмыстары жүргізілді.
- 2025 жылғы қаңтар мен ақпан айларында 108 000 гектарға егін егу жоспарланып отыр.
- 2025 жылғы наурызда 16 492 гектарға сексеуіл тұқымдас ағаштар отырғызу жоспарланған.
Бұл жоба Арал экологиялық апатынан кейінгі салдармен күресу жөніндегі мемлекеттік стратегияның бір бөлігі. Қазақстан экологиялық жағдайды жақсарту мақсатында ішкі және халықаралық деңгейде белсенді жұмыс істеп жатыр. Акция ұйымдастырушылары азаматтарды осы бастаманы қолдап, Арал өңірін қалпына келтіруге өз үлестерін қосуға шақырады.
