Алматы облысында «Ауылдық денсаулық сақтауды жаңғыру» ұлттық жобасы аясында 47 денсаулық сақтау нысанының құрылысы жүргізіліп жатыр, оның 38-і ауылдық елді мекендердің инфрақұрылымын жақсартуға бағытталған. Сондай-ақ,  өңірдің ағымдағы жылғы әлеуметтік-экономикалық даму қорытындылары туралы да айтылды, деп хабарлайды Egemen.kz. 

Аймақ басшысы Марат Сұлтанғазиевтың айтуынша, негізгі жобалардың бірі – Іле ауданы, Байсерке ауылында 200 төсектік көпсалалы аурухана құрылысы.  Құны 37 миллион АҚШ долларын құрайтын жаңа медициналық мекеме күрделі ауруларды, соның ішінде кардиология мен нейрохирургияны емдеуге арналған заманауи құрал-жабдықтармен жабдықталады.  Аурухана кореялық Hyundai клиникасымен серіктестікте салынады, ол емдеудің озық әдістерін енгізіп, жергілікті тұрғындар үшін медициналық қызметтердің қолжетімділігін арттырады.

Сонымен қатар, соңғы үш жылда облыстың медициналық мекемелерінің жабдықталуы 90 пайызға дейін өскен.  Сондай-ақ облыс әкімінің грантының арқасында медициналық ЖОО-ның 53 түлегі өңірлерге жұмысқа жіберіліп, дәрігерлер тапшылығы айтарлықтай төмендеген.  Қазіргі таңда облыста небәрі 61 медицина маманы жетіспейді.

Бұл шаралар Алматы облысының ауылдық жерлерінде медициналық көмектің қолжетімділігін арттыруға және өмір сүру сапасын жақсартуға бағытталған, бұл өз кезегінде жалпы өңірдің дамуына ықпал етеді.

Айта кетейік, Алматы облысында мәдениет пен спорт белсенді түрде дамып келеді, бұл жергілікті халықтың өмір сүру сапасын жақсартуға тікелей ықпал етіп жатыр. Облыс әкімі Марат Сұлтанғазиев мәлім еткендей, соңғы жылдары облыста инфрақұрылымды дамыту мен жаңғыртудың жалпы бағытын көрсететін бірнеше ірі мәдени және спорттық жобалар жүзеге асырылды.