Қосшыда көпқабатты тұрғын үйден 20 адам эвакуацияланды
Ақмола облысының Қосшы қаласында көпқабатты тұрғын үйлердің бірінде 3-қабатта орналасқан пәтердің терезесінен түтін шыққаны туралы хабарлама келіп түскен, деп хабарлайды Egemen.kz. ТЖМ баспасөз қызметінің хабарлауынша, өрт сөндірушілер түтін тағамның күйіп кетуінен шыққанын анықтаған.«Өрт сөндірушілер жедел әрекет етіп, жалын тез жойылды. ТЖД күшімен көрші пәтерлерден 20 тұрғын эвакуацияланды. Зардап шеккендер жоқ», делінген хабарламада.
