Нөсер жауып, үсік жүреді: Алдағы үш күнге арналған ауа райы болжамы
Синоптиктер алдағы үш күнге арналған ауа райы болжамын бөлісті, деп хабарлайды Egemen.kz.«Қазгидромет» РМК мәліметі бойынша, республиканың басым бөлігінде әлі де тұрақсыз ауа райы сақталады, жаңбыр жауып, найзағай ойнайды:
«Республиканың солтүстігі мен шығысында өткінші жаңбыр жауады. 7 қыркүйекте түнде республиканың шығысы мен оңтүстік-шығысындағы таулы аймақтарда жауын-шашын (жаңбыр, қар) күтіледі. Республика бойынша түнде және таңертең солтүстік және шығыс аймақтарда жел күшейеді, ал топырақ бетінде -2°C үсік жүреді», деп хабарлады синоптиктер.
Болжам бойынша, Қазақстанның батысында ғана жауын-шашынсыз ауа райы сақталады.
