50 келіде бокстан әйелдер құрамасы сапында жартылай финалға жеткен отандасымыз Назым Қызайбай финалға жолдама жеңу үшін жұдырықтасады, деп жазады Egemen.kz.

Ел тағатсыздана күтіп отырған Назым Қызайбайдың бұл жекпе-жегі 6 тамыздан 7 -сіне қараған түні сағат 01: 00-де өтеді деп жоспарланған. Боксшымыздың жартылай финалдағы қарсыласы - қытайлық Ву Юмен.  Айта кетейік, Назым Қызайбай ширек финалда колумбиялық Ингрит Лорена Валенсия Викторияны сенімді ұтты. Ал бүгін Париж Олимпиадасының бокс бағдарламасында демалыс күні.