Бүгін ауданның қарт Қаратау беткейде орналасқан Жиделіарық ауылында мәдениет үйінің қызметкерлерінің ұйымдастыруымен "Қош келдің Рамазан!" атты іс-шара болып өтті. Шараны ауданның бас имамы Рахат Ахметов ашып, Рамазан айының қасиеті жайында сөз өрбітсе, Қызылорда облыстық ішкі саясат басқармасының "Дін мәселелерін зерттеу орталығы" Шиелі аудандық бөлімінің меңгерушісі Қожахмет Кеңесбеков салиқалы сөздерден әңгіме өрбітіп, ауылды ауызбіршілікке шақырды. Мұнан соң, жас ақын Бекжан Ержігіт жырын арнаса, жезтаңдай әншілер әннен шашу шашып, ойсаларлық көріністер қойылды. 


"Өскен өңір" ақпарат.