Өскен өңір Osken-onir.kz ақпараттық агенттігі
» » Еліміздің барлық білім беру ұйымдарында ұлттық күй бір мезетте ойнайды

Еліміздің барлық білім беру ұйымдарында ұлттық күй бір мезетте ойнайды

Барлық білім беру ұйымдарында ұлттық күй бір мезетте ойнайды, деп хабарлады turkystan.kz.

Еліміздің барлық білім беру ұйымдарында ұлттық күй бір мезетте ойнайды
 syrboyi.kz

Наурыз мейрамына арналған республикалық челлендж 20 наурыз күні сағат 12:00-де өтеді.
Оқу-ағарту министрлігінің мәліметінше, іс-шара өскелең ұрпақтың бойында рухани-адамгершілік құндылықтар мен патриоттық сезімдерді қалыптастыруға, елдің мәдени мұрасын жалғастыруға, балалар арасында домбырада ойнауды насихаттауға бағытталған.

«Домбырашылар челленджінің мақсаты - балалар мен жастардың, мұғалімдер мен ата-аналардың музыкадағы шығармашылық жетістіктерін көрсету және домбыраны дәріптеу. Шараға барлық ниет білдірушілер қатыса алады. Бұл челлендж былтыр алғаш рет өтті. Домбыраның күмбірлеген үні бір уақытта барлық білім беру ұйымдарында ойнады. Бұл еліміздің мәдени өмірі үшін елеулі оқиға. Шаралар «Біртұтас тәрбие» бағдарламасы аясында өткізіледі», - дейді тәрбие жұмысы және қосымша білім беру департаментінің директоры Меруерт Медетбекова.

Айта кетейік, биыл Наурыз мейрамы еліміздің барлық жалпы білім беретін мектептерінде 14-23 наурыз аралығында өтеді. Осы күндері тақырыптық челлендждер, жалпыұлттық экологиялық акция және ұлттық ойындардан түрлі жарыстар ұйымдастырылады.
13 наурыз 2024 ж. 87 0