Бүгін еліміздің 5 қаласында ауа сапасы нашарлайды

Өзге өңірлерде метеорологиялық жағдай қалыпты. «Қазгидромет» РМК Қазақстан қалаларындағы ауа сапасына болжамын жариялады.
8 наурызда Ақтөбе, Алматы, Астана, Қостанай, Орал қалаларында ауаның ластануының қолайсыз метеорологиялық жағдайлары күтіледі.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
​turkystan.kz​​​