Сырдың сын-қатеріне әзірлік
Былтыр осы уақытта Сырдария өзенінен облыс аумағына 551 текше метр су келіп тұрса, биылғы көлем одан әлдеқайда аз – небәрі 180 текше метр. Бірақ ауа райы қысқа күнде қырық құбылып тұрған қазіргідей сәтте дарияға сенім жоқ. Сондықтан да қыстың көктемге ұласар сәтінде кездесіп қалар осындай оқыс оқиғаларға аймақтағы төтенше жағдай мамандары, қала мен аудан әкімдіктері тас-түйін дайын отырады.
Сырдағы әзірлікті көруге жұмыс сапарымен келген Төтенше жағдайлар министрі Шыңғыс Әрінов пен облыс әкімі Нұрлыбек Нәлібаев Қызылорда су торабына барып, өзендегі су деңгейін бақылады. Биылғы қыс жылы болып, арнада өткен желтоқсан айының алғашқы онкүндігінде ғана мұз ұстаса бастаған. Кейіннен өзеннің оңтүстік бөлігі ерігенмен, солтүстік жағы әлі сіресіп жатыр.
Осы күні Арал, Қазалы, Қармақшы, Жалағаш, Сырдария аудандары мен Қызылорда қаласы маңында мұз толықтай ұстасып тұр. Шиелі ауданының Жөлек елді мекені тұсында да мұз бар. Жаңақорған аумағындағы өзен беті әлдеқашан еріген.
Су басу қаупі бар аумақтар күш-құралдары жеткілікті мекемелерге бекітілген, осы күні 364 арнайы техника және 1 102 адам дайын тұр. Су тасқынына қарсы жасақталған материалдық-техникалық қорда 117,9 тонна жанар-жағармай, 139 902 дана қап және басқа да материалдар бар. Айтқан жерден аулақ, бірақ тасқын қаупі туындай қалса халықты көшіру пункттері де дайын тұр. Облыс аумағында 59 эвакуациялық жинақтау және 69 эвакуациялық қабылдау орны бар. Жергілікті атқарушы органдар мен су шаруашылығы мамандары тәулік бойы кезекшілік ұйымдастырады.
Төтенше жағдайлар министрі Қызылорда облысында қауіпсіздік шаралары барлық талапқа сай үйлестірілгенін атап өтті. Облысқа сапары барысында сала басшысы жергілікті өрт сөндіру бөлімдерін аралап, Төтенше жағдайлар министрлігі аумақтық бөлімшелерін материалдық-техникалық жарақтандыру барысымен танысты. «2021-2023 жылдарға арналған ТЖМ аумақтық бөлімшелері мен ведомстволық бағынысты мемлекеттік мекемелерін материалдық-техникалық жарақтандыру туралы» жол картасы аясында облыстық төтенше жағдайлар департаментіне 2021-2023 жылдар аралығында облыс бюджетінен 664,5 млн теңге қаржы бөлініп, оған 74 материалдық-техникалық құрал-жабдық, өзге де қажетті құралдар алынды. Бұдан бөлек, жергілікті бюджет қаражаты есебінен лизингпен 14 өрт сөндіру автомобилін сатып алуға «Өнеркәсіпті дамыту қоры» акционерлік қоғамымен келісімшарт жасалған. Бұл техникалар алдағы сәуір айында жеткізіледі.
Сала мамандары осыған дейін Арал ауданы Қамыстыбас көліндегі суда құтқару стансасы ғимаратының санитарлық және өртке қарсы нормаларға сәйкес еместігін талай мәрте көтерген болатын. Ғимаратта сүңгуірлерді даярлау және тәулік бойы кезекшілік атқаруға жағдай жасалмағандығы былай тұрсын, арнайы техника мен жабдықтарды сақтауға арналған үй-жай болмаған еді.
Осыдан екі жыл бұрын жергілікті бюджеттен 54,3 млн теңге бөлініп, құтқарушыларға арналған құрастырмалы-жиналмалы модульді үй сатып алынды.
Қызылорда
Сырдағы әзірлікті көруге жұмыс сапарымен келген Төтенше жағдайлар министрі Шыңғыс Әрінов пен облыс әкімі Нұрлыбек Нәлібаев Қызылорда су торабына барып, өзендегі су деңгейін бақылады. Биылғы қыс жылы болып, арнада өткен желтоқсан айының алғашқы онкүндігінде ғана мұз ұстаса бастаған. Кейіннен өзеннің оңтүстік бөлігі ерігенмен, солтүстік жағы әлі сіресіп жатыр.
Осы күні Арал, Қазалы, Қармақшы, Жалағаш, Сырдария аудандары мен Қызылорда қаласы маңында мұз толықтай ұстасып тұр. Шиелі ауданының Жөлек елді мекені тұсында да мұз бар. Жаңақорған аумағындағы өзен беті әлдеқашан еріген.
Су басу қаупі бар аумақтар күш-құралдары жеткілікті мекемелерге бекітілген, осы күні 364 арнайы техника және 1 102 адам дайын тұр. Су тасқынына қарсы жасақталған материалдық-техникалық қорда 117,9 тонна жанар-жағармай, 139 902 дана қап және басқа да материалдар бар. Айтқан жерден аулақ, бірақ тасқын қаупі туындай қалса халықты көшіру пункттері де дайын тұр. Облыс аумағында 59 эвакуациялық жинақтау және 69 эвакуациялық қабылдау орны бар. Жергілікті атқарушы органдар мен су шаруашылығы мамандары тәулік бойы кезекшілік ұйымдастырады.
Төтенше жағдайлар министрі Қызылорда облысында қауіпсіздік шаралары барлық талапқа сай үйлестірілгенін атап өтті. Облысқа сапары барысында сала басшысы жергілікті өрт сөндіру бөлімдерін аралап, Төтенше жағдайлар министрлігі аумақтық бөлімшелерін материалдық-техникалық жарақтандыру барысымен танысты. «2021-2023 жылдарға арналған ТЖМ аумақтық бөлімшелері мен ведомстволық бағынысты мемлекеттік мекемелерін материалдық-техникалық жарақтандыру туралы» жол картасы аясында облыстық төтенше жағдайлар департаментіне 2021-2023 жылдар аралығында облыс бюджетінен 664,5 млн теңге қаржы бөлініп, оған 74 материалдық-техникалық құрал-жабдық, өзге де қажетті құралдар алынды. Бұдан бөлек, жергілікті бюджет қаражаты есебінен лизингпен 14 өрт сөндіру автомобилін сатып алуға «Өнеркәсіпті дамыту қоры» акционерлік қоғамымен келісімшарт жасалған. Бұл техникалар алдағы сәуір айында жеткізіледі.
Сала мамандары осыған дейін Арал ауданы Қамыстыбас көліндегі суда құтқару стансасы ғимаратының санитарлық және өртке қарсы нормаларға сәйкес еместігін талай мәрте көтерген болатын. Ғимаратта сүңгуірлерді даярлау және тәулік бойы кезекшілік атқаруға жағдай жасалмағандығы былай тұрсын, арнайы техника мен жабдықтарды сақтауға арналған үй-жай болмаған еді.
Осыдан екі жыл бұрын жергілікті бюджеттен 54,3 млн теңге бөлініп, құтқарушыларға арналған құрастырмалы-жиналмалы модульді үй сатып алынды.
Қызылорда
