Өскен өңір Osken-onir.kz ақпараттық агенттігі
» » Президент төрт елдегі елшілерді тағайындады

Президент төрт елдегі елшілерді тағайындады

a orda

Мемлекет басшысы төрт елдегі елшілерді тағайындады, деп хабарлады turkystan.kz.

Мемлекет басшысының Жарлығымен Бақыт Амангелдіұлы Дүйсенбаев Қазақстан Республикасының Чех Республикасындағы Төтенше және өкілетті елшісі болып тағайындалды. Ол Қазақстан Республикасының Корея Республикасындағы Төтенше және өкілетті елшісі лауазымынан босатылды.

Нұрғали Алмасбайұлы Арыстанов Қазақстан Республикасының Корея Республикасындағы Төтенше және өкілетті елшісі лауазымына тағайындалды.

Ақылбек Әбсатұлы Камалдинов Қазақстан Республикасының Хорватия Республикасындағы Төтенше және Өкілетті Елшісі болып тағайындалды. Ол Қазақстан Республикасының Канададағы Төтенше және өкілетті елшісі лауазымынан босатылды.

Қазақстан Республикасының Сингапур Республикасындағы Төтенше және өкілетті елшісі Асқар Сейдахметұлы Құттықадам Қазақстан Республикасының Аустралия Одағындағы, Жаңа Зеландиядағы Төтенше және өкілетті елшісі қызметін қоса атқарушы болып тағайындалды.
16 маусым 2023 ж. 154 0