Тоқаев Қазақстандағы Түркия елшілігіне барды
Мемлекет басшысы Қасым-Жомарт Тоқаев Қазақстандағы Түркия елшілігіне барды. Бұл туралы Ақорданың баспасөз қызметі хабарлады.
Қасым-Жомарт Тоқаев Түркия Республикасының Қазақстандағы елшілігіне барып, бауырлас елдің оңтүстік-шығысында болған алапат зілзала салдарынан мыңдаған адамның қаза табуына байланысты көңіл айтты. Сондай-ақ Қазақстанның жан-жақты қолдау көрсететінін жеткізді.
Президент көңіл айту кітабына жазба қалдырды.
Айта кетейік, Президент Қасым-Жомарт Тоқаевтың тапсырмасымен Қазақстан ТЖМ құтқарушыларының екінші тобы жойқын жер сілкінісінің салдарын жоюға көмек көрсету үшін Түркияға аттанады.
