Әлемде өмір сүру ең қымбат елді білесіз бе?
Ceoworld журналының зерттеуі бойынша, 2020 жылы Швейцария ең қымбат ел болып саналады.
Норвегия әлемдегі ең қымбат елдер тізімінде екінші орында тұр. Одан кейін Исландия, Жапония, Дания, Багам аралдары, Люксембург, Израиль, Сингапур және Оңтүстік Корея жайғасқан.
Одан бөлек АҚШ (20-орын), Ұлыбритания (27-орын), Сауд Арабиясы (57-орын) және Ресей (82-орын) бар.
Ал Қазақстан бұл рейтингте 132 елдің ішінде 117-орында.
CEOWORLD журналының рейтингі киім-кешек, такси құны, коммуналдық қызметтер, интернет, азық-түлік бағасы, транспорт және тамақтану сияқты бірқатар шығындарға негізделген.
Пәкістан Республикасы әлемдегі ең арзан ел болып табылады. Оның алдында Ауғанстан, Үндістан, Сирия, Өзбекстан, Қырғызстан және Тунис тұр.
