Жаңа жәрдемақы мөлшері белгілі болды

Қазақстандағы көпбалалы аналар жаңа 2020 жылдың 1 қаңтарынан бастап жаңа мөлшердегі жәрдемақыны алатын болады. Бұл жөнінде еңбек және халықты әлеуметтік қорғау министрі Біржан Нұрымбетов Шиеліге сапарында баяндады. Айта кетейік, көпбалалы аналарға 4 немесе одан көп кәмелет жасқа толмаған баласы барлар жатады. Міне, осы санаттағы аналарға келер жылдан бастап ешқандай табысына қарамастан жәрдемақы тағайындалды. Яғни әр балаға орта есеппен 10-11 мың теңгеден беріледі. Тарқатып айтар болсақ, 4 балаға –42 500 теңге, 5 балаға – 53 125 теңге, 6 балаға – 62 750 теңге, 7 балаға – 74 375 теңге көлемінде қаржы қарастырылған.