Ертеде бір кішкентай қалада, табиғаттың жасыл алаңында, балалар мен жасөспірімдер жиі ойнап, уақыт өткізетін. Сол қалада Айша деген қыз бен Данияр деген бала дос болып өсті. Олар бірге мектепке барып, табиғатта серуендеп, әрқашан бір-біріне көмектесетін. Бір күні қалаға улкен бір көлік келіп, көліктен бейтаныс адам түсті, ол көптен бері қалада өмір сүрген адамдарға ұқсамайтын, біртүрлі көрінді. Оның ат Құпия еді. Ол балаларды қызықтырып, өзіне тартып алуды жақсы көретін. Бір күні ол Айша мен Даниярға жақындап келіп:
    -Балалар, мен сендерге бір керемет нәрсе ұсынамын. Бұл нәрсе сендерге күш, қуат береді. Сендер ешқашан шаршамайсыңдар, тек мені тыңдасаңдар болғаны, -  деп күлді. Айша мен Данияр бірінші рет оны көріп тұрса да, ол адамға сенімсіз қарады. Бірақ Құпия одан әрі:
    -Бұл — менің ерекше сыйлығым. Оны қабылдасаңдар, барлығың да мықты боласыңдар. Ал сендерге тек менің жолымды ұстану керек,- деп айтты. Айша біраз ойланып, Даниярға қарап:
   -Бұл не деген ақымақтық? Біз күшті болу үшін денсаулығымызды бұзуымыз керек пе? - деді. Данияр да ойланып қалды:
     -  Иә, мен де дұрыс емес екенін сеземін. Егер бұл шынымен күш беретін нәрсе болса, неге бұл туралы ешкім айтпайды? Біз өз күшімізді табиғаттан және еңбекпен алатын болуымыз керек.
Құпияның сөздеріне Айша мен Данияр алданған жоқ. Ол балаларға күлімсіреп, көздерін айналдырып, кетіп қалды. Кейінірек, Айша мен Данияр үлкендерден және мұғалімдерден есірткі мен оның зияны туралы көп нәрсе білді. Олар есірткі адамның денсаулығына өте зиян екенін, оны қолданған адамның өмірі мен болашағы бұзылатынын түсінді. Айша мен Данияр енді ешқашан есірткіге қызықпады. Олар, шын мәнінде, күшті болу үшін спортпен айналысып, табиғатта серуендеп, кітаптар оқып, өз білімдерін арттыруға тырысты. Олар әрқашан бір-бірін қолдап, қиындықтарға бірге төтеп берді.
Бірнеше жыл өткен соң, қаладағы барлық балалар мен жастар Айша мен Даниярды үлгі тұтып, олардың жолын таңдады. Олар таза, салауатты өмір сүріп, есірткі мен басқа зиянды әдеттерден аулақ болды. Барлығы да өздерінің ең жақсы нұсқасы болуға ұмтылды. Ал, Құпия болса, қалаға қайта оралмады, өйткені оның уақыты өткен еді. Ол есірткі мен жаман әдеттер арқылы ешкімді тарта алмайтынын түсінді.

9А сынып оқушысы Берікқызы Медина