Ұлыбритания елшілігінің қызметкерлері 5-ші Дүниежүзілік көшпенділер ойындарын дайындау және өткізу жөніндегі Дирекция басшылығымен кездесті, деп хабарлайды Egemen.kz.


Фото: arqymaq_sport_kesheni

«Арғымақ» ат-спорттық сауықтыру кешенінің баспасөз қызметі мәлім еткендей, Дирекция кеңсесіндегі аталған кездесу барысында британдық спортшылардың 5-ші ДКО-ға қатысуы төңірегіндегі сұрақтар талқыланды.



Айта кетсек, бұған дейін Британдық Овари федерациясы овари ұлттық құрамасының ойындарға қатысатынын ресми түрде растаған еді. Сондай-ақ Ұлыбритания Елшілігі өкілдеріне спорттың бірнеше түрінен, күрестің бес түрінен, Powerful Nomads және арқан тартыс тәрізді спорт түрлерінен қатысу мүмкіндігін қарастыру ұсынылды.

Сонымен қатар британдық тарап көрнекі спорт түрлерінің тізіміне крикетті енгізуге, сондай-ақ «Спорт ғылымы» секциясында британдық спикерлердің ғылыми бағдарламаға қатысуына өтінім берді.