«Манчестер Сити» биылғы маусымдағы алғашқы жүлдесіне қол жеткізді, деп хабарлайды «Хабар 24». Пеп Гвардиола шәкірттері Англия лигасының кубогын қатарынан үшінші мәрте ұтып алды. Финалда олар «Астон Вилланың» осал тұсын тапты. Есеп: 2:1. Серхио Агуэро есеп ашып, «Манчестер Ситиді» алға жетеледі. Сосын Родриго нәтижені еселей түсті. «Астон Вилла» сапынан Мбвана Али Саматта жалғыз голмен жауап қатты. «Манчестер Сити» Англия лигасының кубогын соңғы жеті жылда бесінші мәрте иеленді. Пеп Гвардиола бұл турнирде үшінші рет жеңіске жетті.