Қазақстандық Н.Морозова АҚШ турнирінде конькимен жүгіруден екінші орын алды
Милоукиде (АҚШ) «Төрт құрлық турнирінің» екінші күні аяқталды. Нәтижесінде Қазақстан құрамасының қоржынына тағы бір жүлде түсті, деп хабарлайды Olympic.kz.
Қазақстандық спортшы Надежда Морозова 1500 метр қашықтықты сәтті бағындырып, жүлдегерлер қатарынан табылды. Мәреге екінші болып жеткен ол, жарыстың күміс жүлдегері атанды. Америкалық Брианна Бококс жарыс жеңімпазы атанса, Оңтүстік Кореялық Джи Ву Пак үшінші орын алды. Ерлер арасындағы бәсекеде қазақстандық спортшы Александр Кленко 11-орынға тұрақтады.
