2019 жылдың 5 қазанында орта салмақтағы IBF және IBO титулдарын сарапқа салған Геннадий Головкин – Сергей Деревянченко айқасы BoxingScene нұсқасы бойынша жыл жекпе-жегі атанды, – деп хабарлайды Sports.kz.

IBF титулы үшін қазақстандық Геннадий Головкин мен украиналық боксшы Сергей Деревянченко арасында болған жекпе-жек 2018 жылы өтуі керек еді: украиналық боксшы – Халықаралық бокс федерациясының белбеуге міндетті қарсыласы, ал қазақстандық – белбеудің иесі болатын.

Головкин IBF белбеуін қорғау міндетін 2018 жылдың тамыз айында алуы керек еді және сол жылдың қыркүйек айында мексикалық Сауль «Канело» Альвареспен жұдырықтасуға тиіс болған. Басында жекпе-жек мамырда өтеді деп жоспарланды, бірақ мексикалық боксшы допинг-тесттен өтпей қалып, жекпе-жек жарты жылға кейін шегерілді. Сондықтан Головкин титулды қорғау міндетінен бас тартуға мәжбүр болып, белбеу иесіз қалды.

2018 жылдың қазанында Деревянченко белбеу үшін басқа міндетті қарсылас, америкалық Даниэль Джейкобсқа қарсы шығып, жеңіліп қалды.

Ал, 2019 жылдың мамырында Джейкобс «Канело»-дан жеңіліп, белбеуді тапсырды. Алайда, Альварес IBF белбеуі үшін міндетті қарсылас Деревянченкомен келіссөзге көнбеді, кейін Халықаралық бокс федерациясы оған үзілді-кесілді талап қойды, ал Альварес титулдық жекпе-жек үшін украиналыққа тиімсіз қаржылық шарт ұсынды. Өткен жылдың тамыз айының басында IBF Альваресті белбеуден айырып, титулды иесіз қалдырды. Бұл белбеуге міндетті екінші үміткер, оның бұрынғы иегері, қазақстандық Головкин болды, оның жекпе-жекке деген ұсыныстары Альварестің авансына қарағанда тиімдірек болып, 5-қазанда боксшылар рингте кездесті. Жекпе-жек 12 раундқа созылды, біріншісінде Головкин украиналықты нокдаунға жіберді. Төрешілердің бірауыздан қабылдаған шешіміне келіспегендей, нокдаунға жіберді дегенге де украиналық қарсылық танытты. Сарапшылар бұл жекпе-жекті өткен жылдың боксындағы ең маңызды оқиға деп бағалады. Беделді BoxingScene порталы оны жыл жекпе-жегі деп таныды.

«Бірінші раундтағы нокдауннан кейін Головкин оны мансабындағы ең бір шаршататын жекпе-жек күтіп тұрғанын білген жоқ. Табанды Деревянченко мен батыл Головкин 11 раунд бойы бір-бірін сұрапыл соққыларымен шаршатты, бокс жанкүйерлері бұл жұдырықтасуды ұмытпайды», – деп жазды портал 5 қазандағы жекпе-жек туралы.