«Ювентус» ойыншыларының есімдері жейделеріне арабша жазылатын болды
Туриндік «Ювентус» Сауд Арабиясы астанасы Эр-Риядта өтетін Италия Суперкубогына арнайы жейде тіктірді, деп хабарлайды Prosports.kz. «Ювентус» ойыншыларының есімдері жейдеге араб әріптерімен жазылса, нөмірлер өрме жазумен көмкеріледі. Бұл форма саудия-марокколық каллиграфия суретшісі Шакер Қашғаримен бірлесе отырып жасалды. Италия Суперкубогы матчы 22 желтоқсан күні «Ювентус» пен «Интер» арасында «Кинг Сауд» стадионында өтеді. Еске сала кетелік, өткен маусымда А сериясының жеңімпазы атанған «Ювентус» пен Италия кубогын жеңіп алған «Лацио» Суперкубокқа таласуға мүмкіндік алды.
