Чемпиондар лигасының 4-турындағы «Барселона» мен прагалық «Славия»  арасындағы кездесу  жоғары тәуекел санатындағы матчтар қатарына жатқызылды, деп жазады Prosports.kz.

AS басылымының хабарлауынша, бұл шешімді зорлық, расизм, ксенофобия және төзбеушілік жөніндегі үкіметтік комиссия қабылдаған. Басылым бұл шешімнің себебін айтпай отыр, алайда аталмыш шешім  Каталонияның 9 көшбасшысын Жоғарғы испаниялық сот 9 жылдан 13 жылға соттау жөнінде үкім шығарғаннан кейінгі Барселонадағы жаппай қарсылықтарға байланысты екені белгілі.

Айта кетелік, «Барселона» – «Славия» матчы 5 қараша күні Барселонадағы «Камп Ноу» стадионында өтеді.