Данияр Елеусінов Нью-Йоркте қарсыласымен көз түйістірді
BAQ.KZ. Қазақстандық кәсіпқой боксшы Данияр Елеусінов (7-0, 3 КО) қарсыласы Решард Хикспен (12-0-1, 6 КО) көз арбасты, деп хабарлады Vesti.kz.
28 жастағы Олимпиада чемпионы мен 34 жастағы жеңілмеген америкалықтың кездесуі Нью-Йорктегі баспасөз мәслихаты аясында өтті.
Боксшылар 14 қыркүйекте Нұр-Сұлтан уақытымен таңда Madison Square Garden аренасының Hulu Theather шағын залында жұдырықтасады. Жартылай орта салмақтағы кездесу 10 раундқа есептелген.
Бұл бокс кешінің басты жекпе-жегінде америкалық Девин Хэйни мен ресейлік Заур Абдуллаев кездесіп, жеңіл салмақта WBC "уақытша" чемпионы титулын сарапқа салады. АҚШ-та шоуды DAZN стриминг сервисі тікелей эфирде көрсетеді.
