Нұр-Сұлтан, BAQ.KZ. Бұл туралы Қарағанды облысының дене шынықтыру және спорт басқармасы баспасөз қызметі хабарлады.

Қарағандыда триатлоннан Қазақстанның V жазғы Спартакиадасы аяқталды. Аталмыш сайыс олимпиадалық ойындардың алдында төрт жылда бір рет өтеді.
Нұр-Сұлтан, Алматы, Шымкент қалалары, сондай-ақ Ақмола, Қарағанды, Қостанай, Түркістан және Шығыс Қазақстан облыстарының 30 атлеті Elite санатта жеңімпаздар мен жүлдегерлер атағы үшін бақтарын сынады. Спортшылар "Стандартты" немесе "олимпиадалық" қашықтық – 1500 м жүзу, 40 км веложарыс және 10 км жүгіру бойынша өнер көрсетті.
Ақмола облысынан келген Аян Бейсенбаев "алтын" иегері атанды. Нұр-Сұлтан қаласынан келген Дарын Қонысбаев одан небәрі бір минут қалыс қалып, күміс жүлдегер атанды. Үздік үштікті Ақмола облысынан келген Темірлан Теміров 1 сағат 52 минут және 40 секунд уақыт көрсеткішімен аяқтады.

Қыздар арасында алматылық Ғазиза Құмақбаева үздік нәтиже көрсетті. Ол мәре сызығының соңғы метрінде қарсыласынан жеңісті жұлып алып, 2 сағат 10 минут және 7 секунд нәтижесімен "алтын" жеңіп алды. Нұр-Сұлтан қаласының спортшысы Арина Шульгина оған 18 секунд есе жіберіп, екінші орынға ие болды. "Қола" жүлдеге Ақмола облысының тұрғыны Надежда Бекмағанбетова 2 сағат 13 минут және 38 секунд көрсеткішпен ие болды.

Бірінші болып Нұр-Сұлтан, Шымкент, Ақмола, Түркістан және Шығыс Қазақстан облыстарынан 6 команда жарысты. Қатысушылар Mixed Relay жарыс түрінде сайысқа түсті. Әр команданың құрамында Elite (2 әйел, 2 ер адам) санатындағы төрт атлет болды және олардың әрқайсысы 250 м жүзу, 6,6 км веложарыстан және 1600 м жүгіруден тұратын қашықтықты жеңіп алды.

Жарыс қорытындысы бойынша Ақмола облысының командасы жеңімпаз атанды, оның құрамында Надежда Бекмағанбетова, Аян Бейсенбаев, Ашраф Камалова және Мейірлан Ысқақов өнер көрсетті. Команда 1 сағат 29 минут және 13 секунд нәтижесін көрсетті.
Екінші орынға Шымкенттің өкілдері жайғасты. Бибижан Қалдыханова, Даниил Зубцов, Хафиза Гүлтұраева және Семен Пивоваров үйлесімді жұмыс көрсетіп, 1 сағат 40 минут және 13 секунд уақытпен күміс медальдарға ие болды.
Үш орын Түркістан облысының командасының еншісінде. Команда мүшелері Милена Саприна, Медет Нұрғалиев, Аружан Аманжолова және Ерасыл Аманжолов. Үшінші команданың нәтижесі - 1 сағат  43 минут.

Сондай-ақ,спартакиада аясында Age Group (әуесқойлар) санатындағы атлеттер TEMIRADAM Кубогының VII кезеңінің рейтингтік ұпайларын сарапқа салды.
Нұр-Сұлтан, Шымкент, Мәскеу, Ташкент және Қарағанды облысынан келген 38 атлет жеке есепте және эстафеталық командалар 750 м жүзу, 20 км вело және 5 км жүгіру қашықтығынан өтті.

Age Group ерлер арасындағы трассаның абсолютті үздік нәтижесін Ташкенттен келген Андрей Шарипов көрсетті – 1 сағат 2 минут және 30 секунд. Әйелдер арасында үздік уақыт TEMIRADAM-2018 Кубогының иегері Әсел Сәдуақасова (Нұр-Сұлтан) – 1 сағат 23 минут және 7 секунд.
Андрей Шарипов пен Әсел Сәдуәқасова екінші жыл қатарынан "TEMIRADAM" Кубогының қарағандылық кезеңін жеңіп алды. Екі спортшы да 2018 жылғы жарыстың абсолюттік есебінде жеңімпаз атанған болатын.
Командалық есепте бірінші орынға Қарағанды облысының Drive Team командасы ие болды.
Сондай-ақ, Саран қаласының әкімі Ержан Темірханов өз жасындағы қазақстандық спортшылар арасында 1-орынды жеңіп алды.